Songulun e otopot kopio mongupus dika auh miloh manahak sabap nokuroh tu oupus yauh dikah. Nunu e oilaan dauh id ginawo om mato dauh nopoh nga haroh ika noh songulun.
Songulun e otopot kopio mongupus dikah kaanu monorimo dikah miampai awi ginawo, id mato dauh ika noh e talawa sundung potuh opurimanan nu nakatambah winagat tinan nu.
Songulun e otopot kopio mongupus dikah papatod do ‘SMS’ miagal ko ‘osonong kosuabon’, osonong tadau minggu’, ‘osonong totuong’, om mogisusuai poh... sundung potuu do amu nu insan simbaro SMS dau, sabap SMS dilo popoungkap songkuroh rinalom tupus dau.
Songulun e otopot kopio mongupus dika kosorou kasasari dikah om sontob nunu e nawayaan dikoyu ngoduo, om nogi e kinaantakan-kinaantakan di iyah sondiri nga nolingan nunoh, sabap timpu-timpu dilo agayoh kopioh rati montok dauh, om masoh dilo koturu romou matoh dauh sabap sontob e nawayaan-nawayaan dikoyu amu nodi koguli kawagu id koposion dauh...
Hai Joan,izou Ian,tuhun kadazan mantad penampang bo,mogiambahut miampai di takak nu doiho Maktab di gulu,piipio toun nakatahib. Kokomoi diti topik pinosuat nu, otumbazaan zou nung mimang tokou daa do mongintong piupusan di totopot om togiot no kozo,maan tokou intangai piupusan di mohoing dotokou toi ko piupusan di tuhun di pogulu. Sundung potuu aiso po SMS toi ko tiknologi miaga timpu tokou di baino, kaanu ponogi izioho popogiot piupusan dioho,noikot giningo "komitmen" dioho sundung potuu sinavaan dioho okon ko pihion dioho sondii.
ReplyDeleteKopiiso iziho do monoguvang oonu nopo kobohingkangan id tindahanon do koposizon dioho. Nung noikot nopo timpu pioduan om pigogutan, tuutulus izioho mogibabas do tiso om tiso...
Nookuo tu ogumu kaantakan talaat doid timpu do baino? pitongkizadan / pisangadan / pigogutan? Sukod vagu tokou di baino nga koiho nopo momusoou ahal dioho sondii om au nodii kaanu mamadadi mohoing dioho sabaagi "role model" dioho.
Sundung potuu ingkaa, ounsikou ginavo ku do minambasa diti "post" nu. Aavi ginavo di koginavaan nu mongupus diau, koni? hehehe
kounsikahan kumaa dika topinai Ian... Monongkotohuod oku nogi kumaa di Minamangun tu mantad tupus Dauh e tagayo kopioh kumaa tulun ngawi, pinokito om pinarati dau oh tulun ngawi komoyon tupus di otopot...
ReplyDeleteoh, takak ku nogi e komoyon nudi... :-)