Sunday, April 22, 2012
Friday, April 8, 2011
rasam ais watu..
Alaid-laid nodi amu nokoponulis sorita hiti blog. Nolihuan kunodi daa. Osibuk kopiyoh men pisbuk nopo (Facebook).. :-) Ogumu sorita amu nokosuang hiti... Agayat ginawo ku posuang diti sorita kawawagu. Ontok dit 23 Mac 2011, ruminasam ologod kopiyo hiti kinoyonon walaiku, id johor. Nung rasam dit koubasan kasasari nopo daa om amu i kantoh daa tagal posuangon kud hiti blog. Nga iti nopoh nga rasam om minitonggoi ais kad malayu. Gisom nopo dit osorou ku amu oku nokoumbal nokokito hujan ais batu... Angarak podi taap walai, om ongkotokis hilod soromin totigaon ologod sarup, om gonit. Andasan kupodi daa om nunu ot naratu mantad tawan. Motub kotub poh kangkab ku. Amu alaid, penelipon tambalut pinopoiloh rasam mitonggoi ais kaa.. Mogot tu haroh 2-3 minit noh kantoh rih om kotingkod noh. Alaid-laid nopo kantoh daa nga nangababak noh doti soromin kereta om ongorualan noh tulun orotuan. Boros kadi kombolutan, osonong kaka daa ngoyon puhu'o it ais d om posuangon butul. Soira nopondoh alanak it ais om inumon nogindoh. Koubat kaka toruol. Nga ukam toruol dot nunu moti.. Suai tadau nopondoh nung haroh noh kawagu rasam tirad dilo, umbal-umbalan tokou mongoi panahau toiko mongoi pomuhu di ais nangaratu mantad tawan. Kada pondoh orualan otungan..Hehe..
Wednesday, July 8, 2009
Wednesday, June 24, 2009
Songulun molohing kusai id kakadaian...
Ie nopo ontok toun 2006, nokopimpanau oku hilod kakadaian do Megah Ria, Johor Bahru. Masoh nopodi nga minoi oku pomoli kuui id iso kadai.
Id tindalanon ku kumaa hilod kadai di, nokito ku songulun molohing kusai poingrikau id disan di kakadaian. Rasuk dau opurak natalup talup noh, sorual dauh oniba irih kadau nga natalup om oromos kokitanan. Poingkibit dau polositik kisuang mogisusuai poh, haroh tin-tin tinumon (ie amu noh kisuang), haroh karatas, haroh gata gata, butul polositik. Id sampaping di nirikau dau haroh iso karung opurak.
Potilombusoh ku pamanahon ku. Soira kobolih ku ie bolion ku om minuli oku hirid niyonon ku.
Korikot okud hirid niyonon ku kokito ku id molohing kusai di poingrikau yauh id timpak watu okoroh, poinsaan dauh ie karung (ukam nunu suang). Poiliho dau ie karung hirid toning dau, om pakadada yauh miagal anaruh kopioh pomusarahan. Kosisian kopioh kokitanan ku dau.
Tadau tadau di tumalib kakal kupoh okito yauh mimpanau minsalayag hirid kakadayan miampai rasuh om sorual dauh ie amu notingalanan.
Nokoumbal oku nokoturu romou mato kokito nasip dauh, miagal
tulun di aiso walai ulion, miagal tulun di aisoh paganakan rikoton. Opihak tian dau, agahui. Muhot nogi ginawo ku, isai molohing dilo? nombo walai dau? nakaakan noh kaka yauh?
Om iti toun 2009, insan poh kaagu nakawaya oku hilod Megah Ria, om kakal kupoh okito molohing kusai dirih. Rasuk om sorual dauh kakal poh amu notingalanan... :-(
Sundung potuu amu oku kotutun molohing kusai dilo, nga oruol ginawo ku, koihad ginawo ku, kosorou nasip dau.
Osorour ku nogi molohing ku sondiri ie asaru kud otongkiadan mamanau id sodu. Om kopomusorou oku nogi, poingkuroh ma doho koposion soira molohing oku??
Id tindalanon ku kumaa hilod kadai di, nokito ku songulun molohing kusai poingrikau id disan di kakadaian. Rasuk dau opurak natalup talup noh, sorual dauh oniba irih kadau nga natalup om oromos kokitanan. Poingkibit dau polositik kisuang mogisusuai poh, haroh tin-tin tinumon (ie amu noh kisuang), haroh karatas, haroh gata gata, butul polositik. Id sampaping di nirikau dau haroh iso karung opurak.
Potilombusoh ku pamanahon ku. Soira kobolih ku ie bolion ku om minuli oku hirid niyonon ku.
Korikot okud hirid niyonon ku kokito ku id molohing kusai di poingrikau yauh id timpak watu okoroh, poinsaan dauh ie karung (ukam nunu suang). Poiliho dau ie karung hirid toning dau, om pakadada yauh miagal anaruh kopioh pomusarahan. Kosisian kopioh kokitanan ku dau.
Tadau tadau di tumalib kakal kupoh okito yauh mimpanau minsalayag hirid kakadayan miampai rasuh om sorual dauh ie amu notingalanan.
Nokoumbal oku nokoturu romou mato kokito nasip dauh, miagal
tulun di aiso walai ulion, miagal tulun di aisoh paganakan rikoton. Opihak tian dau, agahui. Muhot nogi ginawo ku, isai molohing dilo? nombo walai dau? nakaakan noh kaka yauh?
Om iti toun 2009, insan poh kaagu nakawaya oku hilod Megah Ria, om kakal kupoh okito molohing kusai dirih. Rasuk om sorual dauh kakal poh amu notingalanan... :-(
Sundung potuu amu oku kotutun molohing kusai dilo, nga oruol ginawo ku, koihad ginawo ku, kosorou nasip dau.
Osorour ku nogi molohing ku sondiri ie asaru kud otongkiadan mamanau id sodu. Om kopomusorou oku nogi, poingkuroh ma doho koposion soira molohing oku??
unduk ngadau
"Norikot nodi bulan 5, kapanandaakan tadau tagayou..." Nung isai isai uhoton tokou sinding dilo otumbayaan oku koisanan dati oubas korongou sinding dilo kio.
Soira nopo orikot bulan 5, mangaramai tokou nodi Tadau Kaamatan tanda do kounsikahan di manananom parai, tadau tagayo do tulun tokou Kadazan-Dusun. Montok di topinai id sodu, bulan 5 noh timpuu diolo do muli id kampung sumolowot molohing om topinai ngawi, on hiloh noh 'aramaiti sampai pagi, esok pagi, lusa, tulat..." kadi boros Ma
Karamayan Kaamatan amu avasi nung aisoh ie komoyon Unduk Ngadau kadi. Yoho nopo sondiri, ontok bulan 5 mintong oku nopo surat kabar nga poguluonon kupoh mintong ie haroh gambar kosumandakan Unduk Ngadau. Okon ko nunu nga, siilo dum isai nakalantoi unduk ngadau... :-)
Nga baino om ie piroh piroh toun nakatalib, ogumu ie okon ko tulun Kadazan- Dusun minoi amung om tumanud nogi id pialaan do Unduk Ngadau. Koumbal nogi muhot ginawo ku, nokuroh tu okonko tulun tokou nopo obulih tumanud di pialaan Unduk ngadau. Mogisusuai podi bangsa obuli mampai diti unduk ngadau baino.
Ie nopodi 'simbolik' Hominudon id unduk ngadau nga miagal ogumu tulun amu karati nunu kopio komoyon toiko rati id saralom pialaan unduk ngadau dirih.Asanangan oku daa yoku di tulun kadazan dusun 100% toiko ori nopo obulih tumanud dilo pialaan unduk ngadau oi..
Kaagu om ogumu poh tulun tokou do lobih olumis om berhak boh...
Nga nunu gia hak kud mimboros miagal diti id tanga ginumuan tulun kio?
Poingkuroh poh nga alansan oku potilombus nodaa iti pisompuruan tokou tulun Sabah sundung potuu do id nombo tokou nopo.
Kotobian tadau tagayo do kaamatan.
Soira nopo orikot bulan 5, mangaramai tokou nodi Tadau Kaamatan tanda do kounsikahan di manananom parai, tadau tagayo do tulun tokou Kadazan-Dusun. Montok di topinai id sodu, bulan 5 noh timpuu diolo do muli id kampung sumolowot molohing om topinai ngawi, on hiloh noh 'aramaiti sampai pagi, esok pagi, lusa, tulat..." kadi boros Ma
Karamayan Kaamatan amu avasi nung aisoh ie komoyon Unduk Ngadau kadi. Yoho nopo sondiri, ontok bulan 5 mintong oku nopo surat kabar nga poguluonon kupoh mintong ie haroh gambar kosumandakan Unduk Ngadau. Okon ko nunu nga, siilo dum isai nakalantoi unduk ngadau... :-)
Nga baino om ie piroh piroh toun nakatalib, ogumu ie okon ko tulun Kadazan- Dusun minoi amung om tumanud nogi id pialaan do Unduk Ngadau. Koumbal nogi muhot ginawo ku, nokuroh tu okonko tulun tokou nopo obulih tumanud di pialaan Unduk ngadau. Mogisusuai podi bangsa obuli mampai diti unduk ngadau baino.
Ie nopodi 'simbolik' Hominudon id unduk ngadau nga miagal ogumu tulun amu karati nunu kopio komoyon toiko rati id saralom pialaan unduk ngadau dirih.Asanangan oku daa yoku di tulun kadazan dusun 100% toiko ori nopo obulih tumanud dilo pialaan unduk ngadau oi..
Kaagu om ogumu poh tulun tokou do lobih olumis om berhak boh...
Nga nunu gia hak kud mimboros miagal diti id tanga ginumuan tulun kio?
Poingkuroh poh nga alansan oku potilombus nodaa iti pisompuruan tokou tulun Sabah sundung potuu do id nombo tokou nopo.
Kotobian tadau tagayo do kaamatan.
Subscribe to:
Posts (Atom)